«Мінчанка» ўпершыню выйграла Жаночую лігу Беларусі па хакеі
17 мая, Мінск . «Мінчанка» атрымала перамогу ў трэцім сезоне чэмпіянату Беларусі па хакеі сярод жаночых каманд,
Залатыя медалі Жаночай лігі сталічныя дзяўчаты аспрэчвалі з «Цытадэллю», якая прадстаўляе паўднёвы захад краіны. Першы матч фіналу да дзвюх перамог 15 мая завяршыўся вікторыяй «Мінчанкі» з лікам 3:2 дзякуючы дублю Сафіі Букінай, у другой гульні ў суботу «Цытадэль» узяла рэванш (3:1). Асноўны час вырашальнага, трэцяга, паядынку 17 мая скончыўся ўнічыю, а ў серыі булітаў больш дакладным аказаўся клуб са сталіцы — у выніку 2:1 у матчы і серыі. Вырашальны кідок нанесла Таццяна Сіцько.
«Мінчанка» стала чэмпіёнам Беларусі сярод дзяўчат упершыню ў гісторыі, да гэтага трафей бралі толькі хакеісткі «Цытадэлі». У фінале дэбютнага сезона-2023/24 Жаночай лігі паўднёва-заходняя каманда перамагла ў фінале «Бярэзіну», а год таму нанесла паражэнне сталічнаму калектыву.
У рэгулярным чэмпіянаце сезона-2025/26 «Мінчанка» заняла другое месца, атрымаўшы 6 перамог у 16 матчах. «Цытадэль» узначальвала табліцу, выйграўшы 12 матчаў. Бронзавыя медалі дасталіся хакеісткам Бярэзіны, за якую выступаюць дзяўчаты з усходніх рэгіёнаў краіны. 
Фота Сяргея Шэлега
