Медыянная зарплата ў Беларусі за май склала 2314,9 рубля
Фота з архіва 16 ліпеня, Мінск . Медыянная заработная плата работнікаў у Беларусі за май склала 2314,9 рубля, паведамілі БЕЛТА ў Белстаце.
Медыянная зарплата — гэта паказчык, які адлюстроўвае суму ў цэнтры зарплатнага рада і дзеліць яго на дзве роўныя часткі (палавіна работнікаў маюць заработак меншы за гэта значэнне, палавіна — большы). Даныя аб медыяннай зарплаце работнікаў па відах эканамічнай дзейнасці публікуюцца двойчы ў год: па выніках за май і за лістапад. Медыянная заработная плата за лістапад 2025 года была Br2081,7.
У Белстаце падкрэслілі, што даныя прадстаўлены па юрыдычных асобах усіх форм уласнасці, за выключэннем юрыдычных асоб без ведамаснай падпарадкаванасці з сярэдняй колькасцю работнікаў за папярэдні год меншай за 50 чалавек (акрамя ўдзельнікаў холдынгаў).
Не трэба блытаць медыянную зарплату з сярэдняй па краіне. Намінальная налічаная сярэдняя заработная плата работнікаў Беларусі ў маі 2026 года склала 3003,5 рубля.
