Міліцыя нагадала аб правілах паводзін у грамадскіх месцах
3 ліпеня, Мінск . У Беларусі праходзяць масавыя мерапрыемствы, прысвечаныя Дню Незалежнасці. Каб свята было ў радасць, міліцыя нагадала аб правілах паводзін у грамадскіх месцах і заклікала іх выконваць, паведамілі БЕЛТА ў МУС.
Грамадзянам забараняецца знаходзіцца ў стане алкагольнага або наркатычнага ап’янення, пад уздзеяннем таксічных або іншых адурманьваючых рэчываў, праносіць з сабой алкагольныя напіткі і піва, а таксама іншыя напіткі ў любой тары, за выключэннем празрыстых пластыкавых бутэлек аб’ёмам не больш за 0,5 л, праносіць піратэхнічныя вырабы, халодную, агнястрэльную, газавую або іншую зброю, узрыўныя рэчывы і боепрыпасы, а таксама іх муляжы. Забараняецца перашкаджаць руху транспартных сродкаў і пешаходаў, а таксама карыстацца сцягамі і вымпеламі, якія не зарэгістраваны ва ўстаноўленым парадку.
«Каб не ствараць перад КПП чэргі на надгляд, прыбывайце на мерапрыемствы загадзя. Каб пазбегнуць затораў і праблем з паркоўкай, карыстайцеся грамадскім транспартам», — падкрэслілі ў МУС.
