Лукашэнка заявіў аб пастаўцы беларускага калію для ЗША
Фота з архіва 11 верасня, Баранавіцкі раён . Прэзідэнт Беларусі Аляксандр Лукашэнка ў размове з журналістамі расказаў аб пастаўцы беларускіх калійных угнаенняў для ЗША,
«Цяпер грузім калій — прадаём Злучаным Штатам Амерыкі», — сказаў Прэзідэнт.
Гаворачы аб гатоўнасці весці дыялог з ЗША па розных тэмах, Аляксандр Лукашэнка ў тым ліку згадаў калійную сферу: «Хочаце ў нас калійныя ўгнаенні (калі хочаце закупляць) — калі ласка. Мы адразу не можам (паставіць вялікія аб’ёмы. — Заўвага ). Вось у нас вызвалілася. Мы ж закантрактавалі іх на гэты год, на наступны разледзім. Цяпер з’явілася магчымасць судна загрузіць (заўтра дакладна скончым загрузку) — забірайце».
«Але даўжок вярніце. $43-44 млн нашых у Сіцібанку заселі — кампанія, якая з намі супрацоўнічала, заплаціла грошы. У багатай Амерыкі заселі. Вы нам, калі ласка, вярніце гэтыя грошы», — адзначыў Прэзідэнт.
«Урад мне далажыў пісьмова (аб сітуацыі з сумай, якая «засела». — Заўвага ). Грошы вярніце! Гэта ж ганьба для ЗША. Потым мы з вамі будзем дамаўляцца аб больш сур’ёзных рэчах».
