Лукашэнка на сустрэчы з паслом Сербіі: адносіны складваюцца добрыя, нягледзячы на пэўныя нюансы
4 мая, Мінск . Адносіны паміж Беларуссю і Сербіяй складваюцца добрыя, нягледзячы на пэўныя нюансы. Аб гэтым Прэзідэнт Беларусі Аляксандр Лукашэнка заявіў на сустрэчы з паслом Сербіі Ілінай Вукайлавіч,
«Былі пэўныя неразуменні. Вы аб гэтым добра ведаеце. Але мы разлічваем, што ўсякія неразуменні і ўсякія рухі, якія незразумелыя ні вам, ні нам, яны праходзяць. Час мяняе многае. Асабліва апошнім часам вы бачыце, які турбулентны гэты шалёны свет. Тым не менш адносіны ў нас складваліся і складваюцца добрыя, нягледзячы на пэўныя нюансы», — сказаў кіраўнік дзяржавы.
Аляксандр Лукашэнка адзначыў, што ў яго ёсць практыка сустракацца з пасламі блізкіх і дружалюбных Беларусі краін. «Вы разумееце, што Сербія не з’яўляецца выключэннем у такім плане. Гэта вельмі добрая, цёплая, блізкая Беларусі краіна. Мы заўсёды з найвялікшай павагай ставіліся і будзем ставіцца да вашай краіны. І нам не абыякава, якія працэсы адбываюцца ў Сербіі, як складваецца абстаноўка, сітуацыя. У каго, як не ў вас, можна атрымаць такую інфармацыю. Адкрытую, дружалюбную інфармацыю, заявіў Прэзідэнт. — Сказаць, што мы не валодаем сітуацыяй па абстаноўцы ў Сербіі, было б няправільна. Мы назіраем, валодаем абстаноўкай, наколькі гэта магчыма на адлегласці, пасольства інфармуе нас. Тым не менш вы ведаеце больш і можаце акцэнтаваць нашу ўвагу на нейкіх праблемах, якія, можа, з Мінска не відаць».
«Хацеў бы ад вас пачуць характарыстыку таго, што адбываецца ў Сербіі, на чым нам у Беларусі трэба сканцэнтравацца», — пацікавіўся кіраўнік дзяржавы.
Прэзідэнт канстатаваў, што сітуацыя ў Сербіі няпростая і заўсёды была такой: «Сербія заўсёды была такім раздражняльнікам для заходніх дзяржаў. Аб гэтым ваш Прэзідэнт часта гаворыць. Мы разумеем, што вам няпроста. Вы не маеце граніцы ні з намі, ні з Расійскай Федэрацыяй — дружалюбнымі дзяржавамі, якія ў любую мінуту гатовы прыйсці вам на дапамогу і аказаць фінансавую, матэрыяльную, эканамічную падтрымку».
«Таму я даўным-даўно яшчэ сказаў аб тым, што мы з павагай будзем прымаць вашу палітыку адносна заходніх дзяржаў, адносна Беларусі, Расіі і гэтак далей. Што і робім у апошнія гады», — адзначыў Аляксандр Лукашэнка.
