Канцэрт, лекцыя, выставы. Вялікую праграму падрыхтаваў НММ да Тыдня бацькоўскай любові
Фота pexels 13 кастрычніка, Мінск . Часовая экспазіцыя жывапісу, скульптуры, дэкаратыўна-прыкладнога мастацтва «Крыху пяшчоты», прымеркаваная да Тыдня бацькоўскай любові, пачне работу ў чацвёртай зале беларускага мастацтва XX — XXI стагоддзяў Нацыянальнага мастацкага музея. Якія яшчэ мерапрыемствы пройдуць у НММ з 14 па 17 кастрычніка, расказалі БЕЛТА ў прэс-службе ўстановы.
Куратарская экскурсія па часовай экспазіцыі «З любоўю ў сэрцы» ад вядучага навуковага супрацоўніка Вікторыі Пракошынай пройдзе 15 кастрычніка ў 15.00. А ў 17.00 куратарскую экскурсію «Мастацтва шаўковага шляху: душа рамяства, адлюстраванні над аблокамі. Кітайска-беларуская мастацкая выстава» правядзе навуковы супрацоўнік Багдана Тупчыенка. Таксама ў гонар рэспубліканскага Тыдня бацькоўскай любові аглядную экскурсію правядзе вядучы навуковы супрацоўнік Павел Стаяноўскі.
Фестывальны канцэрт дзіцяча-юнацкай капэлы «Адраджэнне» «Хваліце імя Гасподняе» да 400-годдзя з дня нараджэння праведнай Сафіі Слуцкай адбудзецца ў суботу, 17 кастрычніка, у 15.00.
Лекцыя для бацькоў «Традыцыя мацярынства ў Беларусі» кансультанта Цэнтра падтрымкі сям’і і мацярынства «Матуля» Таццяны Станкевіч пройдзе ў сценах музея 18 кастрычніка ў 17.00 у зале беларускага мастацтва XIX — пачатку XX стагоддзя.
З 14 па 21 кастрычніка тут будзе дзейнічаць спецыяльны сямейны білет (абанемент).
