Качанава пра абноўлены корпус БНТУ: тут створаны цудоўныя ўмовы для вучобы
Навіны сюжэта «Маладзёжная палітыка Беларусі » Больш за 6 чалавек на месца. На якія аграрныя спецыяльнасці ў Беларусі самы высокі конкурс Перавагі для выпускнікоў школ мастацтваў пры паступленні, праекты ў культуры. Пра што пыталіся ў Маркава ў Баранавічах 1 верасня, Мінск . У 15-м вучэбным корпусе БНТУ створаны выдатныя ўмовы для вучобы. Аб гэтым журналістам заявіла старшыня Савета Рэспублікі Наталля Качанава пасля ўрачыстай цырымоніі адкрыцця абноўленага корпуса,
Сёння ў Мінску пасля маштабнай рэканструкцыі адкрыўся 15-ы вучэбны корпус БНТУ (у народзе «Карабель»). Абноўлены будынак плошчай каля 32 тыс. кв.м дасць магчымасць арганізаваць эфектыўнае навучанне больш як 2,8 тыс. студэнтаў адначасова. У корпусе размесцяцца архітэктурны, будаўнічы факультэты, а таксама факультэты транспартных камунікацый і энергетычнага будаўніцтва.
«Сістэма адукацыі заўсёды была адным з прыярытэтных напрамкаў сацыяльнай палітыкі нашай дзяржавы. Для таго каб стварыць камфортныя ўмовы для навучання, умацоўваецца матэрыяльна-тэхнічная база, рамантуюцца існуючыя будынкі ўстаноў адукацыі. Яркім сведчаннем таго стаў 15-ы корпус БНТУ, які сёння раскрыў свае дзверы для студэнтаў чатырох факультэтаў ВНУ. Тут створаны цудоўныя ўмовы», — сказала Наталля Качанава.
Спікер звярнула ўвагу, што адкрыццё корпуса пасля абнаўлення стала доўгачаканай падзеяй. Завяршэнне рэканструкцыі дакладна да 1 верасня — задача, пастаўленая кіраўніком дзяржавы. Мадэрнізацыі гэтага ўнікальнага вучэбнага комплексу ўдзялялася самая пільная ўвага. Ход будаўнічых работ, якасць аддзелкі і няўхільнае выкананне тэрмінаў здачы аб’екта знаходзіліся на пастаянным аператыўным кантролі Наталлі Качанавай.
Старшыня Савета Рэспублікі таксама звярнула ўвагу, што тэхнічныя спецыяльнасці, якія набываюць студэнты ў беларускіх ВНУ, сёння запатрабаваны на рынку працы не толькі ў нашай краіне, але і далёка за яе межамі. А ў БНТУ ужо склаліся добрыя традыцыі. «Тут працуе цудоўны прафесарска-выкладчыцкі склад. Выдатна, што сёння і конкурс дастойны на гэтыя спецыяльнасці. Самае галоўнае, што гэта яшчэ і творчыя спецыяльнасці, якія даюць магчымасць пасля сябе пакідаць цудоўныя аб’екты горада і рабіць усё для таго, каб наша краіна была прыгожай», — падкрэсліла Наталля Качанава. 
Фота Максіма Гучака
