Якую дадатковую дапамогу наймальнікі аказваюць сем’ям з дзецьмі, расказалі ў Мінпрацы
Фота з архіва 14 кастрычніка, Мінск . Падтрымка сем’яў з бацькоўскімі абавязкамі патрэбна не толькі з боку дзяржавы, але і з боку работадаўцаў. Аб гэтым журналістам заявіла намеснік міністра працы і сацыяльнай абароны Юлія Берднікава,
Паводле яе слоў, для пашырэння канцэпцыі сямейна-арыентаванай карпаратыўнай палітыкі 15 мая 2023 года было заключана пагадненне паміж Міністэрствам працы і сацыяльнай абароны, Федэрацыяй прафсаюзаў Беларусі і Канфедэрацыяй прамыслоўцаў і прадпрымальнікаў (наймальнікаў) аб рэалізацыі ініцыятывы «Кампаніі, дружалюбныя бацькам». Сёння да гэтай ініцыятывы далучылася ўжо амаль 900 арганізацый. Гэтыя арганізацыі праходзяць навучанне, а таксама праводзяць анкетаванне ў сваіх працоўных калектывах для таго, каб даведацца ў работнікаў, якія меры падтрымкі з’яўляюцца самымі важнымі для бацькоў з дзецьмі.
Як расказала Юлія Берднікава, аднаразовую матэрыяльную дапамогу пры нараджэнні дзіцяці выплачвае 83,4% арганізацый — удзельнікаў ініцыятывы. Пры ўзяцці шлюбу 79% арганізацый заахвочваюць сваіх работнікаў дадатковай матэрыяльнай дапамогай. Таксама 75,2% арганізацый выплачваюць аднаразовую матэрыяльную дапамогу для падрыхтоўкі дзяцей да навучальнага года.
«Важна, што 18,5% арганізацый на рэгулярнай аснове выплачваюць матэрыяльную дапамогу штатдзетным сем’ям, адзінокім бацькам, а таксама супрацоўнікам, якія выхоўваюць дзіця з інваліднасцю», — падкрэсліла намеснік міністра. Паводле яе слоў, таксама больш за палову арганізацый поўнасцю або часткова аплачваюць пуцёўкі для дзяцей супрацоўнікаў у загарадныя аздараўленчыя лагеры, санаторыі і прафілакторыі. А кожнае пятае прадпрыемства арганізуе для дзяцей сваіх супрацоўнікаў ва ўзросце ад 14 да 18 гадоў прафарыентацыйныя мерапрыемствы.
«Наймальнікі бізнесу павінны быць зацікаўлены ў дэмаграфічным развіцці краіны не менш, чым сама дзяржава. Наша агульная задача — сфарміраваць адзінае сацыяльнае асяроддзе, у якім сям’я, што выхоўвае дзяцей, займае цэнтральнае месца», — адзначыла Юлія Берднікава.
