Якія заўвагі выяўляліся ў час планавых праверак цеплазабеспячальных арганізацый, расказаў эксперт
Фота з архіва Навіны сюжэта «Праект «Краіна гаворыць»» Якія меры прадугледжаны ў выпадку аварыі ў першыя дні ацяпляльнага сезона, расказаў эксперт Гатоўнасць аб’ектаў цеплазабеспячэння ў Беларусі забяспечана на 100% — МЖКГ 26 верасня, Мінск . Намеснік генеральнага дырэктара — галоўны інжынер ДУ «Дзяржаўны энергетычны і газавы нагляд» (Дзяржэнергагазнагляд) Аляксандр Гулевіч у праекце БЕЛТА «Краіна гаворыць» расказаў аб асноўных заўвагах, якія выяўляліся ў час планавых праверак цеплазабеспячальных арганізацый, кацельняў, цеплавых сетак, жылфонду да новага ацяпляльнага сезона.
Дзяржэнергагазнагляд кантралюе падрыхтоўку да асенне-зімовага сезона арганізацый з цеплакрыніцамі, сеткамі і сістэмамі цепласпажывання. Установа таксама рэгіструе пашпарты гатоўнасці. «Сярод частых парушэнняў — нясвоечасовае прадастаўленне актаў гідраўлічных выпрабаванняў, прамывак трубаправодаў, абсталявання цеплавых сетак і цеплаўстановак. Што датычыцца электраўстановак, то часцей за ўсё гэта нясвоечасовае прадастаўленне тэхпратаколаў электрафізічных вымярэнняў і выпрабаванняў па газакарыстальным абсталяванні ў жылым фондзе, гэта акты праверкі дымавых і вентыляцыйных каналаў. Таксама ёсць пытанні па іх афармленні», — расказаў Аляксандр Гулевіч.
Што датычыцца тэхнічнага боку пытання, заўвагі тут стандартныя — частковая адсутнасць цеплавой ізаляцыі, неправядзенне або няякаснае правядзенне рэвізіі запорнай арматуры, парушэнне ізаляцыі, выкананне злучэння праваднікоў ускрутку, няправільны выбар апаратаў засцярогі, незахаванне нарматыўнай адлегласці паміж электрычнымі правадамі і газаправодамі, разбурэнне дымавых і вентыляцыйных каналаў.
«Грубых парушэнняў, якія ўплываюць на надзейнасць і бяспеку, становіцца менш. Мы імкнёмся да таго, каб арганізацыі пры падрыхтоўцы аб’ектаў да ацяпляльнага сезона самі выяўлялі і ўстаранялі заўвагі, а затым запрашалі інспектара Дзяржэнергагазнагляду для ўдзелу ў камісіі», — падкрэсліў намеснік гендырэктара.
*Праект створаны за кошт сродкаў мэтавага збору на вытворчасць нацыянальнага кантэнту
