Як бацькам школьнікаў узяць выхадны 1 верасня, расказалі ў Мінпрацы
Фота з архіва 24 жніўня, Мінск . Як бацькам школьнікаў узяць выхадны 1 верасня, расказалі БЕЛТА ў прэс-службе Міністэрства працы і сацыяльнай абароны.
У ведамстве адзначылі, што работнік мае права выкарыстаць дзень адпачынку без захавання заработнай платы (адгул). Яго прадастаўляюць за работу ў выхадныя і святочныя дні, дзяржаўныя святы і звышурочную работу.
Таксама работнік можа падаць заяву аб водпуску без захавання заработнай платы (за свой кошт) або з захаваннем заработнай платы пры ўмове, што яго аплата прадугледжана калектыўным дагаворам, іншым лакальна-прававым актам арганізацыі або наймальнікам. Па ўзгадненні з наймальнікам ён прадастаўляецца па сямейна-бытавых і іншых уважлівых прычынах работніку па яго пісьмовай заяве.
Акрамя таго, супрацоўнік мае права выкарыстаць частку працоўнага водпуску, які можна дзяліць на часткі, і выкарыстаць адну з іх, у тым ліку адзін каляндарны дзень. Калі частка водпуску не запланавана на гэты перыяд, то яго прадастаўленне магчыма па пагадненні бакоў.
«Іншыя варыянты вызвалення ў гэты дзень ад работы можна ўдакладніць у аддзеле кадраў вашай арганізацыі», — падкрэслілі ў ведамстве.
