Дзе пройдуць дажджы 9 чэрвеня? Расказалі ў Белгідрамеце
8 чэрвеня, Мінск . Дзе пройдуць дажджы 9 чэрвеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Пераважна па ўсходняй палавіне краіны пройдуць дажджы, у асобных раёнах магчымы навальніцы, а ноччу на паўднёвым усходзе месцамі прагназуюцца моцныя ліўні. У начныя і ранішнія гадзіны ў асобных раёнах будзе згушчацца туман, з-за чаго бачнасць можа быць абмежавана. Вецер паўночна-заходняга напрамку, яго скорасць складзе ад 4 да 9 м/с, аднак пры навальніцах парывы будуць дасягаць 14 м/с.
Тэмпературны фон будзе даволі кантрасным. Мінімальная тэмпература паветра ноччу апусціцца да плюс 8 градусаў на паўночным захадзе і дасягне плюс 16 градусаў на ўсходзе. Максімальная тэмпература днём складзе ад плюс 21 да плюс 27 градусаў цяпла.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
