Дажджы і навальніцы пройдуць у Беларусі 17 верасня
17 верасня, Мінск . У Беларусі сёння раніцай і днём на большай частцы тэрыторыі пройдуць дажджы і прагрымяць навальніцы, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сёння днём будзе воблачна з праясненнямі. У ранішні час у асобных раёнах магчымы слабы туман. Вецер прагназуецца паўднёвы з пераходам на заходні 4-9 м/с, днём месцамі з парывамі да 14 м/с.
Тэмпература паветра днём будзе ад 15 градусаў па паўночным захадзе да 26 градусаў па паўднёвым усходзе.
Больш актуальнай і цікавай інфармацыі пра надвор’е глядзіце ў праграме АНТ «Метэагід» на videobel.by.
