Пяткевіч абмеркавала з пастаянным прадстаўніком Расіі пры СНД узаемадзеянне ў эканоміцы і гуманітарнае супрацоўніцтва
Фота з тэлеграм-канала «Урад Беларусі» 10 лістапада, Мінск . Намеснік прэм’ер-міністра Беларусі Наталля Пяткевіч правяла сустрэчу з пастаянным прадстаўніком Расійскай Федэрацыі пры статутных і іншых органах СНД Аляксандрам Лукашэвічам. Аб гэтым паведамілі ў прэс-службе ўрада.
У ходзе сустрэчы абмеркаваны напрамкі ўзаемадзеяння ў рамках Садружнасці ў сферах эканомікі і гуманітарнага супрацоўніцтва.
У наступным годзе Мінск аб’яўлены Маладзёжнай сталіцай СНД, Маладзечна — культурнай сталіцай Садружнасці. На пасяджэнні Савета кіраўнікоў урадаў СНД у Маскве 11 снежня прадугледжваецца прыняцце рашэння аб аб’яўленні беларускага горада Ліда турыстычнай сталіцай СНД. Мерапрыемствы па гэтых трох праектах прызначаны стварыць міжнародную пляцоўку для стасункаў, творчасці і ўзаемадзеяння моладзі, адзначылі ў прэс-службе.
