Да +27°С і кароткачасовыя дажджы. Сіноптыкі расказалі аб надвор’і на 29 жніўня
28 жніўня, Мінск . У Беларусі днём 29 жніўня месцамі чакаюцца навальніцы і ўзмацненне ветру. Аб гэтым расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У суботу чакаецца пераменная воблачнасць. Пераважна без ападкаў, толькі днём па заходняй палавіне пройдуць кароткачасовыя дажджы, месцамі навальніцы. Ноччу і раніцай у асобных раёнах магчымы слабы туман. Вецер прагназуецца паўднёва-ўсходні ноччу слабы, днём 4-9 м/с, з парывамі да 14 м/с, месцамі па захадзе 15-18 м/с.
Тэмпература паветра ноччу складзе 4-10 градусаў цяпла, па заходняй палавіне — плюс 11-16. Днём будзе 21-27 градусаў вышэй за нуль.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
