Чаму Беларусь працуе з рэгіёнамі Расіі без пасрэднікаў? Бузін пра максімальна эфектыўнае супрацоўніцтва
Фота з архіва Навіны сюжэта «Праект «У тэме»» Улічваць нашы інтарэсы і не шкодзіць дружбе з саюзнікамі. Эксперт аб дыялогу Беларусі і ЗША Чаму ў ЗША актывізавалі перагаворы па Украіне? Эксперт упэўнены, што справа ў высокіх цэнах на нафту 12 кастрычніка, Мінск . Чаму Беларусь вядзе прамы дыялог з кіраўніцтвам расійскіх рэгіёнаў, у праекце БЕЛТА «У тэме» растлумачыў старшыня Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў, ваенны эксперт Мікалай Бузін.
«Гэта дае нам магчымасць працаваць без затрымак, працяглых узгадненняў і пасрэднікаў. Прамы дыялог з рэгіёнамі дае магчымасць паскорыць працэсы, дабіцца максімальна эфекту ад рэалізацыі мерапрыемстваў, якія мы запланавалі. Іншымі словамі, гэта магчымасць прама пашыраць нашы інтарэсы», — сказаў Мікалай Бузін.
Эксперт звярнуў увагу і на такі немалаважны складнік, як узаемадапаўняльнасць патэнцыялу беларускай прамысловасці і таго ці іншага расійскага рэгіёна. У якасці прыкладу ён прывёў Ульянаўскую вобласць, з кіраўніком якой нядаўна сустракаўся кіраўнік беларускай дзяржавы. «У гэтым рэгіёне ёсць магутны кластар, які займаецца пытаннямі авіябудавання. Яны могуць нам у гэтым дапамагчы, як і мы ім», — падкрэсліў ён.
Яшчэ адзін перспектыўны напрамак — сельская гаспадарка, якая нядрэнна развіта ва Ульянаўскай вобласці. У сваю чаргу, беларускі бок гатовы прадаставіць шырокі спектр тэхнікі для работы ў аграпрамысловым комплексе. «Калі мы гатовы прапанаваць нармальныя ўмовы, кіраўнік рэгіёна з задавальненнем заключыць з намі кантракт», — дадаў Мікалай Бузін.
Эксперт таксама адзначыў, што беларускі бок вядомы тым, што ў выпадку заключэння тых ці іншых дамоўленасцей выконвае іх у тэрмін і ў поўным аб’ёме. «Мы заўсёды трымаемся свайго слова», — рэзюмаваў ён.
Як паведамлялася БЕЛТА, Прэзідэнт Беларусі Аляксандр Лукашэнка 29 верасня правёў сустрэчу з губернатарам Ульянаўскай вобласці Аляксеем Рускіх. У ліку сфер, дзе бакі апошнімі гадамі актыўна ўзаемадзейнічаюць у рамках прамысловай кааперацыі, згадвалася самалётабудаванне. Ва Ульянаўскай вобласці размяшчаецца авіябудаўнічы завод «Авіястар» — адзін з буйнейшых у Расіі.
Аляксандр Лукашэнка прапанаваў больш інтэнсіўна супрацоўнічаць у гэтай сферы, прыцягваць айчынныя прадпрыемствы для выканання большай колькасці работ.
«Вы нас больш падцягвайце да самалётабудавання. База ёсць, школа ёсць. Дапамагайце з тэхналагічным абсталяваннем, мы будзем добрымі вам памочнікамі. Самалёт мы не зробім — вы павінны яго рабіць. А вось пакрыху падключайце да тых напрамкаў, дзе мы можам нешта зрабіць для вас», — сказаў кіраўнік дзяржавы.
*Праект створаны за кошт сродкаў мэтавага збору на вытворчасць нацыянальнага кантэнту.
