Беларускія спецыялісты дапамогуць у газіфікацыі населеных пунктаў Калужскай вобласці
Фота ДВА «Белпалівагаз» 29 кастрычніка, Мінск . Дагавор аб дагазіфікацыі Калужскай вобласці падпісаны на палях XXX Беларускага энергетычнага і экалагічнага форуму і міжнароднай спецыялізаванай выстаўкі «Энергетыка. Экалогія. Энергазберажэнне. Электра», паведамілі ў ДВА «Белпалівагаз».
Падпісаны паміж ААТ «БелГАЗБУД» — кіруючая кампанія холдынга» і АТ «Газпрам газаразмеркаванне Калуга» дакумент прадугледжвае выкананне беларускімі спецыялістамі комплексу работ у населеных пунктах рэгіёна.
Генеральны дырэктар ТАА «Газпрам міжрэгіёнгаз» Сяргей Густаў адзначыў высокі ўзровень работы арганізацый ДВА «Белпалівагаз»: «Беларускія калегі маюць каштоўны практычны вопыт у сферы лічбавізацыі газавай гаспадаркі і эксплуатацыі сетак. Мы бачым значны патэнцыял для далейшага паглыблення партнёрства, асабліва ў частцы ўкаранення сучасных сістэм уліку і павышэння надзейнасці газазабеспячэння».
XXX Беларускі энергетычны і экалагічны форум у Мінскім міжнародным выставачным цэнтры прысвечаны сучасным энергетычным тэхналогіям, міжнароднаму супрацоўніцтву, навуковым распрацоўкам і практычным рашэнням для галіны.
