Беларускія футбалісты перамаглі маладзёжную зборную Казахстана
12 лістапада, Мінск . Футбалісты маладзёжнай зборнай Беларусі (U-21) новага склікання паспяхова правялі першы кантрольны паядынак,
Сёння ў Шымкенце падапечныя Анатоля Алейнікава перамаглі равеснікаў з каманды Казахстана з лікам 1:0. На працягу ўсёй сустрэчы госці мелі невялікую перавагу, і на 72-й мінуце Марк Конанаў забіў адзіны мяч. Другі спарынг таксама пройдзе ў Шымкенце 15 лістапада.
У мінулым адборачным цыкле маладзёжнага чэмпіянату Еўропы беларускія футбалісты выступілі няўдачна, заняўшы шостае месца ў кваліфікацыйнай групе І. У фінальную стадыю з гэтай групы выйшла зборная Бельгіі, а каманда Даніі прабілася ў стыкавыя матчы. Акрамя бельгійцаў прамыя пропускі ў фінал заваявалі футбалісты Англіі, Польшчы, Францыі, Германіі, Нарвегіі, Іспаніі, Італіі, Партугаліі і Харватыі. Чатыры пуцёўкі, якія засталіся, заваююць пераможцы стыкавых паядынкаў: Данія — Нідэрланды, Ісландыя — Грэцыя, Турцыя — Чэхія, Фінляндыя — Ірландыя. Яны далучацца да каманд Сербіі і Албаніі, якія будуць гаспадарамі маладзёжнага чэмпіянату Еўропы, які пройдзе з 16 чэрвеня па 3 ліпеня 2027 года.
