Беларуска Крывецкая стала прызёрам этапу Кубка Азіі па трыятлоне ў Астане
Фота Мінспорту 20 чэрвеня, Мінск . Беларуска Соф’я Крывецкая заваявала бронзу на этапе Кубка Азіі па трыятлоне, які прайшоў у сталіцы Казахстана Астане, паведамілі БЕЛТА ў прэс-службе Мінспорту.
Удзел у жаночым спрынце прынялі 14 спартсменак з васьмі краін, дыстанцыя складалася з заплыву на 750 м, велагонкі на 20 км і забегу на 5 км. На фінішы Крывецкая заняла трэцяе месца з рэзультатам 1 гадз 03 мін 30 сек. Перамогу атрымала Аліна Хакімава з Узбекістана, серабро ўзяла Манамі Іідзіма з Гуама, якая апярэдзіла Соф’ю на 19 секунд.
У мужчын наш Мікіта Кацянёў фінішаваў 15-м сярод 36 атлетаў, тройку прызёраў склалі прадстаўнікі Казахстана, Люксембурга і Чэхіі. На мінулым этапе Кубка Азіі па трыятлоне ў Кітаі ў канцы мая беларуска Ганна Максімава заваявала золата.
