Беларус Зімніцкі стаў прызёрам маладзёжнага чэмпіянату свету па фехтаванні на калясках
Фота з архіва 17 чэрвеня, Мінск . У турэцкім Мерсіне стартаваў чэмпіянат свету па фехтаванні на калясках сярод спартсменаў не старэйшых за 23 гады з удзелам беларусаў,
Першы медаль нашай камандзе прынёс Руслан Зімніцкі. У спаборніцтвах шаблістаў у класе «B» беларус атрымаў чатыры перамогі ў чатырох паядынках папярэдняга раўнда, а ў паўфінале быў мацнейшы за бразільца Гансалу Рамуша. У фінале Зімніцкі ўступіў Вану Цзічэну з Кітая, стаўшы тым самым уладальнікам сярэбранай узнагароды. Месяц таму Руслан заваяваў дзве бронзы на прэстыжным турніры сярод калясачнікаў у Францыі.
Раней 17 чэрвеня наша Кацярына Мышко заняла 11-е месца ў фехтаванні на шпагах у класе «А» ў дзяўчат. У чацвер на першынстве планеты-U23 будуць разыграны медалі ў мужчынскай рапіры і жаночай шаблі, у заключны дзень турніру ў Турцыі 19 чэрвеня вызначацца прызёры ў мужчынскай шпазе і жаночай рапіры.
Маладзёжны чэмпіянат свету па фехтаванні на калясках праходзіць у рамках World Abilitysport Youth Games — традыцыйным міжнародным мультыспартыўным форуме калясачнікаў і ампутантаў. Паралельна ў Мерсіне арганізаваны спаборніцтвы па пара-бадмінтоне і пара-танцавальным спорце.
