Беларусь прапануе Яўрэйскай аўтаномнай вобласці пастаўкі прадукцыі машынабудавання
16 лістапада, Мінск . Беларусь прапануе Яўрэйскай аўтаномнай вобласці пастаўкі прадукцыі машынабудавання, развіццё супрацоўніцтва ў сферы сельскай гаспадаркі і турызму. Аб гэтым заявіла намеснік прэм’ер-міністра Беларусі Наталля Пяткевіч у час сустрэчы з губернатарам Яўрэйскай аўтаномнай вобласці Расійскай Федэрацыі Марыяй Касцюк,
«Наш узровень узаемаадносін не адпавядае існуючаму патэнцыялу. Але ў нас ёсць магчымасць хутка дасягнуць прагрэсу», — сказала Наталля Пяткевіч.
Паводле яе слоў, беларускі бок можа шмат прапанаваць з пункту гледжання эканомікі, развіцця прамысловасці і сацыяльнай сферы, турыстычнай індустрыі. У тым ліку пастаўкі канкрэтных відаў прадукцыі, перш за ўсё машынабудаўнічай, паколькі ў расійскім рэгіёне займаюцца здабычай карысных выкапняў. Таксама віцэ-прэм’ер прапанавала развіваць супрацоўніцтва ў сферах сельскай гаспадаркі і турызму.
Адказная за ўзаемаадносіны Беларусі з рэгіёнам службовая асоба — міністр культуры. «Было б здорава зняць фільм аб тым, як стваралася ваша аўтаномная вобласць, таму што сваю лепту ўнеслі нашы грамадзяне. На прыкладзе якой-небудзь беларускай сям’і, — абазначыла Наталля Пяткевіч. — Мне было вельмі цікава пачытаць аб вашым рэгіёне, аб вашай гісторыі».
Як адзначыла Марыя Касцюк, Яўрэйская аўтаномная вобласць зацікаўлена ў тым, каб пераймаць беларускі вопыт. У дэлегацыі ёсць шэраг канкрэтных прапаноў па ўзаемадзеянні. Яна таксама падкрэсліла, што гісторыя ўтварэння Яўрэйскай аўтаномнай вобласці цесна звязана з Беларуссю. «Тое, што мы сёння знаходзімся тут, вельмі сімвалічна з пункту гледжання гістарычнай памяці», — дадала губернатар.
Фота Мікалая Пятрова




