Баскетбалісты «МІНСКА» выйшлі на другое месца ў чэмпіянаце Беларусі
25 кастрычніка, Мінск . Баскетбалісты «МІНСКА» адолелі «Барысфен» у цэнтральным паядынку чарговага тура чэмпіянату Беларусі,
Пасля першай чвэрці сустрэчы на пляцоўцы магілёўскага спарткомплексу «Алімпіец» гаспадары ўступалі з розніцай 15 ачкоў — 11:26, а да вялікага перапынку здолелі скараціць адставанне да сямі балаў — 34:41. У канцоўцы сустрэчы магіляўчане былі блізкія да таго, каб дагнаць гасцей, але мінчане здолелі ўтрымаць перавагу і дабіліся перамогі з перавагай у тры ачкі — 70:67. 
Напярэдадні лідары турніру дзеючыя чэмпіёны краіны баскетбалісты «Гродна-93» упэўнена перайгралі ў сябе дома віцебскі «Рубон» з перавагай 22 ачкі — 81:59. Баскетбалісты брэсцкай «Вікторыі» пасля шасці паражэнняў запар здабылі першую перамогу, разграміўшы на сваёй арэне «Гродна-93-ГрДУ» з вынікам 76:57. Становішча ў групе лідараў: «Гродна-93» — 13 ачкоў (7 матчаў), «МІНСК» — 12 (8), «Гомельскія рысі» — 10 (6), «Барысфен» — 10 (6), «Рубон» — 10 (6).
Лідары жаночага чэмпіянату Беларусі баскетбалісткі «Гарызонта» атрымалі пятую вікторыю запар, не пакінуўшы ніякіх шанцаў на поспех «СДЮШАР-МІНСК» — 106:29. Гродзенская «Алімпія» таксама без праблем разабралася на выездзе з «Гомельскімі рысямі», перамогшы з вынікам 85:46. У «Гарызонта» стала 10 ачкоў з 10 магчымых, на адзін бал адстае «Алімпія», у актыве «МІНСКА» 8 ачкоў. На наступным тыдні, 27 кастрычніка, баскетбалісткі «Гарызонта» будуць сапернічаць з «МІНСКАМ».
Фота Алега Файніцкага
