Пара круціць педалі. У Мінску праходзіць велакарнавал «Viva, Ровар!»
6 чэрвеня, Мінск . У Мінску стартаваў велакарнавал «Viva, Ровар!»,
Традыцыйна маршрут удзельнікаў пачаўся каля Палаца спорту і пройдзе каля «Мінск-Арэны» і назад. Паводле слоў дырэктара веласіпеднага клуба «Мінск» Аляксея Іванова, мерапрыемства праводзіцца для развіцця веласіпеднага руху. «Яно садзейнічае таму, што колькасць мінчан і гасцей сталіцы, якія непрафесіянальна займаюцца веласіпедным спортам, расце. Улады звяртаюць на гэта ўвагу і ствараюць спрыяльныя ўмовы для веласіпедыстаў», — адзначыў ён.
Мерапрыемства зведала вялікія змяненні: пачыналася з адкрыцця веласіпеднага сезона, потым перарасло ў велакарнавал і велафестываль. У 2025 годзе арганізатары зноў адрадзілі фармат велакарнавалу, да якога далучыліся каля 17 тыс. удзельнікаў.
«У гэтым годзе колькасць іх прыкладна такая ж, нягледзячы на перанос і ўмовы надвор’я. Мы вельмі ўдзячны, што людзі далучаюцца. Велакарнавал стварае больш магчымасцей для рэалізацыі ідэі свята. Касцюмы ствараюць атмасферу, садзейнічаюць правядзенню розных яркіх конкурсаў, даюць шмат станоўчых эмоцый», — дадаў Аляксей Іваноў.
Гасцей чакае вялікая забаўляльная праграма: чатыры вялікія спаборніцтвы, выберуць лепшых «ВелаЛэдзі», «Веласям’ю», «Велакаманду», пройдзе конкурс «Велакідс». А канцэртную праграму ўвечары закрые хэдлайнер мерапрыемства — група «Піца». «Чакаем, што яе наведаюць не менш за 30 тыс. чалавек», — адзначыў Аляксей Іваноў.
Фота Раміля Насібуліна
