Беларуска Мяснікова стала трэцяй у параканоэ на чэмпіянаце свету
Настасся Мяснікова. Фота з архіва Мінспорту 30 жніўня, Мінск . Беларуска Настасся Мяснікова заваявала медаль чэмпіянату свету па веславанні на байдарках і каноэ ў Польшчы сярод атлетаў з абмежаванымі магчымасцямі,
Наша спартсменка стала прызёрам у класе VL2 (сярод асоб з пашкоджаннем апорна-рухальнага апарату). У фінале на дыстанцыі 200 метраў Мяснікова фінішавала трэцяй з вынікам 1 мін 02,31 сек. Два верхнія радкі занялі брытанка Эма Уігс (58,76) і канадка Брыяна Хенесі (1:00,82). Год таму беларуска выйграла золата ЧС, таксама Настасся з’яўляецца двухразовай медалісткай чэмпіянатаў Еўропы.
Раней на планетарным форуме ў Польшчы серабро ў класе VL1 у мужчын заваяваў Ілья Таўпянец. Таксама беларускую каманду на галоўным старце сезона ў параканоэ прадстаўлялі Хрысціна Сульжыцкая (KL1) і Аляксандр Падаляк (VL1).
