Каледжы пачалі прыём дакументаў на ўзровень сярэдняй спецыяльнай адукацыі
18 ліпеня, Мінск . Каледжы Беларусі пачалі прыём дакументаў у абітурыентаў на ўзровень сярэдняй спецыяльнай адукацыі, .
У выпускнікоў 9-х класаў на бюджэтныя месцы дакументы прымуць па 3 жніўня, на платныя — па 10 жніўня. Выпускнікі 11-х класаў змогуць падаць дакументы на бюджэт па 11 жніўня, на платную форму атрымання адукацыі — па 15 жніўня. Дзевяцікласнікам, якія будуць здаваць уступныя іспыты, дакументы трэба прынесці па 23 ліпеня, адзінаццацікласнікам — па 4 жніўня. Для выпускнікоў 9-х класаў уступныя іспыты пройдуць з 24 па 29 ліпеня, для выпускнікоў 11-х — з 5 па 8 жніўня. Першую катэгорыю абітурыентаў на бюджэтныя месцы залічаць па 6 жніўня, на платныя — па 12 жніўня, другую катэгорыю абітурыентаў на бюджэт — па 13 жніўня, на платныя месцы — па 17 жніўня.
Выпускнікі 9-х класаў на бюджэтныя месцы на сельскагаспадарчыя спецыяльнасці павінны падаць дакументы па 6 жніўня, на платныя месцы — па 10 жніўня. Першых залічаць па 8 жніўня, другіх — па 12 жніўня. Выпускнікі 11-х класаў на спецыяльнасці гэтага профілю на бюджэт дакументы павінны падаць па 13 жніўня, на платныя — па 15 жніўня. Першых залічаць па 14 жніўня, другіх — па 17 жніўня.
На сельскагаспадарчыя спецыяльнасці ў завочнай форме за кошт сродкаў бюджэту або на платнай аснове прыём дакументаў пройдзе з 15 кастрычніка да 30 лістапада, залічэнне адбудзецца па 10 снежня.
Выпускнікі 11-х класаў, якія паступаюць на спецыяльнасць «прававое забеспячэнне грамадскай бяспекі» павінны падаць дакументы на бюджэтныя месцы па 1 жніўня. Залічэнне адбудзецца па 7 жніўня.
У гэтым годзе на ўзровень сярэдняй спецыяльнай адукацыі каледжы краіны плануюць прыняць амаль 39 тыс. чалавек, з якіх 31,44 тыс. — за кошт сродкаў бюджэту.
