МЗС: грамадзян Беларусі няма сярод загінулых і пацярпелых у выніку масавага ДТЗ у Балгарыі
Фота з архіва 11 лістапада, Мінск . Грамадзян Беларусі няма сярод загінулых і пацярпелых у выніку масавага ДТЗ у Балгарыі. Аб гэтым паведамілі ў беларускім знешнепалітычным ведамстве.
«Паводле наяўнай інфармацыі, грамадзян Беларусі сярод загінулых і пацярпелых няма», — падкрэслілі ў Міністэрстве замежных спраў.
МЗС Беларусі ў сувязі з транспартнай катастрофай у Балгарыі выказала глыбокія спачуванні сем’ям і блізкім загінулых у выніку масавага дарожна-транспартнага здарэння на аўтамагістралі ў раёне горада Ямбала.
«У Беларусі, дзе гістарычна з цеплынёй і неабыякавасцю адносяцца да Балгарыі і яе народа, з болем успрынялі гэта паведамленне і шчыра спачуваюць усім, каго яно закранула», — адзначылі ў знешнепалітычным ведамстве.
