Прафсаюзы Беларусі праводзяць акцыі да Тыдня бацькоўскай любові
Фота з архіва ФПБ 9 кастрычніка, Мінск . Федэрацыя прафсаюзаў Беларусі праводзіць рэспубліканскія акцыі «Павіншуем маму разам!» і «Павіншуем тату разам!» у рамках Тыдня бацькоўскай любові. Аб гэтым паведамілі БЕЛТА ў прэс-службе ФПБ.
Прыняць удзел можа кожны. Для гэтага трэба выбраць паштоўку на сайце Федэрацыі прафсаюзаў, падпісаць яе і адправіць блізкім. Пры неабходнасці работнікі прафсаюзных камітэтаў дапамогуць аформіць віншаванне і даставіць яго адрасату.
Таксама ў рэгіёнах праходзяць тэматычныя мерапрыемствы: канцэрты, круглыя сталы, сямейныя інтэрактывы і іншыя ініцыятывы, накіраваныя на ўмацаванне сямейных каштоўнасцей.
У Федэрацыі прафсаюзаў адзначылі, што падтрымка работнікаў з сямейнымі абавязкамі ўключае дадатковыя гарантыі, замацаваныя ў калектыўных дагаворах. Такія нормы цяпер прадугледжаны прыкладна ў 85% калектыўных дагавораў. У прыватнасці, па ініцыятыве прафсаюзаў работадаўцы ўключаюць у калектыўныя дагаворы палажэнні аб матэрыяльнай падтрымцы пры нараджэнні дзіцяці, у цяжкіх жыццёвых сітуацыях, пры падрыхтоўцы дзяцей да школы, да Дня маці і Дня бацькі. Могуць прадугледжвацца заахвочванні і за паспяховасць дзяцей. У некаторых арганізацыях бацькі маленькіх дзяцей могуць разлічваць на няпоўны рабочы час або гібкі графік. Гэтыя меры дапамагаюць сумяшчаць прафесійныя абавязкі з сямейным жыццём.
