Беларусы прабіліся ў пяць фіналаў на старце чэмпіянату свету па спартыўнай акрабатыцы
Ульяна Малчанава і Яна Міневіч 25 верасня, Мінск . У італьянскім Пезара стартаваў чэмпіянат свету па спартыўнай гімнастыцы 2026 года з удзелам беларускіх спартсменаў,
У першы дзень планетарнага форуму адбыліся кваліфікацыі ў пяці дысцыплінах, нашы акрабаты паспяхова выступілі ў кожнай з іх. У дынамічных практыкаваннях у фіналы адабраліся Ульяна Малчанава, Соф’я Ліцкевіч і Яна Міневіч (жаночая група), а таксама Адрыян Трафімовіч і Дар’я Мінюк (мікст).
У балансавых практыкаваннях далей прайшлі Ілья Фамянкоў і Раман Халімончык (мужчынская пара), Ганна Каланіцкая і Валерыя Міхейчык (жаночая пара), Іван Карвіга, Уладзімір Гецьман, Арцём Еўтух і Кірыл Сцепанкевіч (мужчынская група).
25 верасня ў Пезара вызначацца фіналісты ў астатніх відах праграмы. Медалі турніру будуць разыграны ў суботу і нядзелю. Усяго галоўны старт сезона сабраў у Італіі 250 спартсменаў з 30 краін, беларускія акрабаты выступаюць на чэмпіянаце свету ўпершыню за пяць гадоў.
