ЗША маюць намер выкарыстоўваць дзве ваенныя базы ў Грэнландыі — Reuters
Фота Reuters 22 верасня, Мінск /Кар. БЕЛТА/. ЗША разлічваюць пачаць выкарыстоўваць дадаткова дзве ваенныя базы ў Грэнландыі, згодна з дамоўленасцямі з Даніяй. Аб гэтым паведамляе ТАСС са спасылкай на агенцтва Reuters.
Амерыканскі бок плануе адкрыць ваенную базу часоў халоднай вайны ў паўднёвай частцы Грэнландыі, а таксама ўстанавіць ваенную прысутнасць на базе на ўсходнім узбярэжжы. Гаворка ідзе аб пасяленні Нарсарсуак, дзе раней знаходзілася амерыканская авіябаза Bluie West One (ЗША закрылі яе ў канцы 1950-х гадоў), і ваенным аб’екце Местэрс-Віг, які выкарыстоўваюць дацкія ваенныя.
Удакладняецца, што гэта прадугледжана дамоўленасцямі, дасягнутымі вашынгтонскай адміністрацыяй з кіраўніцтвам Даніі і Грэнландыі. Плануецца, што падпісанне дакументаў з удзелам прэзідэнта ЗША Дональда Трампа пройдзе 22 верасня ў Нью-Ёрку на палях 81-й сесіі Генеральнай Асамблеі ААН.
Раней Трамп аб’явіў, што ЗША і Данія дамовіліся аб пераходзе да Вашынгтона кантролю над забеспячэннем бяспекі Грэнландыі. Паводле яго слоў, амерыканскі бок неадкладна пачне нарошчваць ваенную прысутнасць на арктычным востраве.-0-
