Вэнс заявіў, што ЗША і Іран знайшлі спосаб захоўваць Армузскі праліў адкрытым
Джэй Дзі Вэнс. Фота АР 22 чэрвеня, Мінск /Кар. БЕЛТА/. Амерыканскі віцэ-прэзідэнт Джэй Дзі Вэнс лічыць, што Злучаныя Штаты і Іран знайшлі спосаб захоўваць Армузскі праліў адкрытым, перадае ТАСС.
«Мы стварылі механізм, які дае магчымасць гарантаваць не проста тое, што Армузскі праліў адкрыты, а тое, што ён будзе заставацца адкрытым», – сказаў намеснік кіраўніка вашынгтонскай адміністрацыі журналістам перад вылетам са Швейцарыі пасля перагавораў з дэлегацыяй Ірана ў Бюргенштоку. Пры гэтым Вэнс нагадаў, што цераз Армузскі праліў вывезена ўжо каля 15 млн бараляў нафты. На яго думку, цэны на паліва на сусветных рынках будуць цяпер толькі зніжацца.
«Па-другое, мы заснавалі правільны механізм для забеспячэння рэгіянальнага перамір’я для таго, каб трымаць пад кантролем канфлікты, якія непазбежна ўзнікнуць. Мы працуем з саюзнікамі — ад ізраільцян да арабаў у Персідскім заліве, каб гарантаваць захаванне перамір’я. У нас вельмі добрае адчуванне наконт таго, які тут стан спраў», — заявіў віцэ-прэзідэнт.
З яго пункту гледжання, цяпер за кошт кантактаў ЗША і Ірана фактычна закладваецца «аснова таго, што можа ўяўляць сабой па-сапраўднаму трансфармаваны Блізкі Усход».-0-
