Землетрасенне магнітудай 5,9 адбылося каля ўзбярэжжа Японіі
Фота з архіва 23 жніўня, Мінск /Кар. БЕЛТА/. Землетрасенне магнітудай 5,9 зарэгістравана каля берагоў прэфектуры Хакайда на поўначы Японіі. Аб гэтым паведамляе ТАСС са спасылкай на Еўрапейска-міжземнаморскі сейсмалагічны цэнтр.
Як паведамляецца, эпіцэнтр землетрасення знаходзіўся за 123 км на поўдзень ад горада Абіхіра, у якім пражываюць каля 173 тыс. чалавек. Ачаг — на глыбіні 46 км. Інфармацыя аб магчымых пацярпелых або разбурэннях не паступала. Пагроза цунамі не аб’яўлялася.
Раней моцнае землетрасенне магнітудай 5,9 адбылося ў цэнтральнай частцы Японіі — падземны штуршок зафіксаваны ў ноч на 23 жніўня ў зоне Вялікага Токіа. Эпіцэнтр землетрасення знаходзіўся ў прэфектуры Ібаракі, ачаг быў на глыбіні 68 км. Пацярпелі каля 40 чалавек, двое шпіталізаваны ў цяжкім стане. У цэнтры японскай сталіцы без электразабеспячэння аказаліся больш за 460 дамоў.-0-
