Збожжавыя і зернебабовыя культуры ў Беларусі ўбраны з 16 працэнтаў плошчаў
Фота з архіва 22 ліпеня, Мінск . У Беларусі збожжавыя і зернебабовыя культуры ўбраны з 16 працэнтаў плошчаў. Аб гэтым паведамілі ў прэс-службе Мінсельгасхарча.
«Паводле аператыўных даных на 22 ліпеня, збожжавыя і зернебабовыя культуры (без кукурузы, грэчкі і проса) убраны з 16 працэнтаў плошчаў, што складае 323 тыс. га», — адзначылі ў прэс-службе.
Намалочана 1330 тыс. т збожжа, сярэдняя ўраджайнасць склала 41,2 ц/га. У разрэзе абласцей атрымана: у Мінскай — 351 тыс. т, Брэсцкай — 318 тыс. т, Гродзенскай — 278 тыс. т, Гомельскай — 192 тыс. т, Магілёўскай — 119 тыс. т, Віцебскай — 72 тыс. т.
Азімы рапс на зерне ўбраны на 168 тыс. га (38 працэнтаў планавых плошчаў 441 тыс. га), намалочана 414 тыс. т ураджайнасцю 24,6 ц/га, што на 2,5 ц/га вышэй за мінулагодні.
Выцераблена лёну на 19 тыс. га, што складае 44 працэнты запланаваных плошчаў. Церабленне лёну ідзе тэмпамі, якія больш чым у два разы перавышаюць мінулагоднія, дынаміка захоўваецца ўсімі абласцямі.
Скошана траў другім укосам на плошчы 608 тыс. га, што складае 60 працэнтаў ад плана 1010 тыс. га.
Нарыхтавана сена 399 тыс. т (56 працэнтаў ад плана), сіласу — 333 тыс. т (больш як 1 працэнт ад плана 20 519 тыс. т), травяных кармоў — 3252 тыс. т кармавых адзінак (32 працэнты ад плана 10 131 тыс. т).
Сенажу нарыхтавана 10 549 тыс. т, што складае 74 працэнты ад плана 14 млн 309 тыс. т.
Наяўнасць мінеральных угнаенняў (азотных, фосфарных, калійных) пад азімую сяўбу складае 171 тыс. т дзеючага рэчыва, што складае 99 працэнтаў да плана.
