Законапраект аб рэспубліканскім бюджэце на 2027 год прыняты дэпутатамі ў першым чытанні
30 кастрычніка, Мінск . Праект закона «Аб рэспубліканскім бюджэце на 2027 год» прыняты дэпутатамі ў першым чытанні,
Праект рэспубліканскага бюджэту і разліковыя паказчыкі па бюджэтах абласцей і горада Мінска на 2027 год распрацаваны на аснове палажэнняў праграмных дакументаў па сацыяльна-эканамічным развіцці краіны з улікам існуючай эканамічнай сітуацыі. 
Паводле інфармацыі парламентарыяў, для сектара дзяржаўных фінансаў ключавой задачай у 2027 годзе будзе павышэнне эфектыўнасці выкарыстання бюджэтных сродкаў і іх канцэнтрацыі на перспектыўных напрамках нацыянальнай эканомікі, якія забяспечваюць рост прамысловай вытворчасці, энергазберажэння, развіцця рэгіёнаў шляхам укладанняў у найбольш эфектыўныя інвестыцыйныя праекты.
Даходы па праекце рэспубліканскага бюджэту на 2027 год прадугледжваюцца ў суме 58 903,8 млн рублёў, што на 3,5% вышэй за ацэнку паступленняў 2026 года.
Асноўныя крыніцы падатковых даходаў рэспубліканскага бюджэту — падатак на дабаўленую вартасць, акцызы, падатковыя даходы ад знешнеэканамічнай дзейнасці.
Расходы па праекце рэспубліканскага бюджэту на 2027 год сфарміраваны ў суме 60 834,6 млн рублёў, або з ростам на 1,7% да чаканага выканання 2026 года. 
У 2027 годзе захаваецца сацыяльная накіраванасць расходаў бюджэту. У прыярытэце фінансаванне адукацыі і аховы здароўя, а таксама рэалізацыя мер, накіраваных на павышэнне якасці жыцця насельніцтва, падтрымку шматдзетных сем’яў. Прадугледжана фарміраванне сямейнага капіталу ў суме 281,5 млн рублёў. Значную частку ў бюджэце складуць расходы на аплату працы, пенсіі, стыпендыі, дапамогі, іншыя выплаты, сродкі на выкананне дзяржаўных сацыяльных стандартаў.
На 2027 год фарміраванне праекта рэспубліканскага бюджэту зроблена з дэфіцытам у памеры 1 930,8 млн рублёў.
