Урад актуалізаваў правілы знаходжання замежных грамадзян і асоб без грамадзянства ў Беларусі
Фота з архіва 3 чэрвеня, Мінск . Урад актуалізаваў правілы знаходжання замежных грамадзян і асоб без грамадзянства ў Беларусі. Адпаведную пастанову падпісаў прэм’ер-міністр Аляксандр Турчын, паведамілі БЕЛТА ў прэс-службе ўрада.
Пастанова Савета Міністраў «Аб знаходжанні замежных грамадзян і асоб без грамадзянства ў Рэспубліцы Беларусь» распрацавана ў развіццё плана мерапрыемстваў па выкананні прадпісанняў, выкладзеных у арт.5 закона ад 2 лютага 2026 года нумар 130-З «Аб змяненні законаў па пытаннях дзяржаўнай дактыласкапічнай рэгістрацыі».
У прыватнасці, пастановай зацвярджаюцца ў новай рэдакцыі правілы знаходжання замежных грамадзян і асоб без грамадзянства ў Беларусі, карэкціруецца пастанова Савета Міністраў ад 19 студзеня 2006 года нумар 63. Прадугледжваецца праходжанне абавязковай дзяржаўнай дактыласкапічнай рэгістрацыі замежнымі грамадзянамі пры транзітным праездзе імі праз тэрыторыю Беларусі.
Акрамя таго, карэкціруецца пастанова Савета Міністраў ад 15 чэрвеня 2019 года нумар 395 «Аб рэалізацыі Закона Рэспублікі Беларусь «Аб унясенні змяненняў і дапаўненняў у Закон Рэспублікі Беларусь «Аб дзяржаўных закупках тавараў (работ, паслуг)». У сувязі са змяненнямі арт.11 закона ад 4 студзеня 2010 года нумар 105-З «Аб прававым становішчы замежных грамадзян і асоб без грамадзянства ў Рэспубліцы Беларусь» (іншаземцы, якія часова знаходзяцца і часова пражываюць у Беларусі, не маюць права весці ў краіне індывідуальную прадпрымальніцкую дзейнасць), адмяняецца права гэтай катэгорыі грамадзян на ажыццяўленне разавай рэалізацыі тавараў на рынках і (або) у іншых устаноўленых мясцовымі выканаўчымі і распарадчымі органамі месцах.
