У Маскве ўсклалі вянок да Вечнага агню ў гонар Дня Незалежнасці Беларусі
2 ліпеня, Масква /Эдуард Півавар . Цырымонія ўскладання вянка ў гонар Дня Незалежнасці Беларусі і 82-й гадавіны вызвалення краіны ад нямецка-фашысцкіх захопнікаў адбылася каля Магілы Невядомага Салдата ў Маскве,
Вянок да Вечнага агню ўсклаў Надзвычайны і Паўнамоцны Пасол Беларусі ў Расіі Юрый Селіверстаў. Ва ўрачыстай цырымоніі прынялі ўдзел дзяржсакратар Саюзнай дзяржавы Сяргей Глазьеў, генеральны сакратар СНД Сяргей Лебедзеў, член Калегіі (міністр) Еўразійскай эканамічнай камісіі Аляксандр Субоцін, першы віцэ-спікер Дзярждумы Расіі Іван Мельнікаў, прадстаўнікі інтэграцыйных структур, беларускія дыпламаты, расійскія афіцыйныя асобы.
Удзельнікі цырымоніі ўсклалі таксама кветкі да памятных знакаў «Горад-герой Мінск» і «Брэсцкая крэпасць-герой», устаноўленых на алеі гарадоў-герояў у Аляксандраўскім садзе. Цырымонія завяршылася ўрачыстым маршам роты ганаровай варты пад гукі ваеннага аркестра. 
У размове з журналістамі Юрый Селіверстаў падкрэсліў, што ў Беларусі Дзень Незалежнасці прымеркаваны да дня вызвалення Беларусі ад нямецка-фашысцкіх захопнікаў. «Калі б не гэта даты тады, у нас не было б незалежнасці. Адзначыць гэта, аддаць даніну памяці загінулым вельмі важна, таму што ўсё, што мы маем сёння, — заслуга людзей, якія змагаліся за нашу незалежнасць у той цяжкі час», — падкрэсліў ён.
Пасол Беларусі назваў Магілу Невядомага Салдата ў Маскве знакавым месцам, якое ўвасабляе сабой даніну памяці ўсім, хто змагаўся і перамог фашызм. 
