Беларусь мае намер пашыраць супрацоўніцтва з Кыргызстанам у эканамічнай сферы
Фота з архіва 10 лістапада, Мінск . Намеснік прэм’ер-міністра Беларусі Аляксандр Церахаў праводзіць сустрэчу з намеснікам старшыні Кабінета міністраў Кыргызстана Эрлістам Акунбекавым,
Беларусь мае намер пашыраць супрацоўніцтва з Кыргызскай Рэспублікай па ўсім спектры двухбаковых адносін. Пры гэтым цэнтральнае месца ў сумесным парадку дня заканамерна займае эканоміка.
Істотнай перавагай з’яўляецца ўдзел абедзвюх краін у Еўразійскім эканамічным саюзе. Адзіная эканамічная прастора адкрывае магчымасці для свабоднага абарачэння тавараў, выключае мытныя бар’еры ва ўзаемным гандлі, забяспечвае прымяненне ўзгодненых тэхнічных, санітарных і іншых патрабаванняў. Агульная задача — зрабіць так, каб перавагі інтэграцыі знаходзілі больш значнае адлюстраванне ў рэальных аб’ёмах і структуры тавараабароту.
У апошнія гады гандлёвыя паказчыкі паміж Беларуссю і Кыргызстанам дэманструюць станоўчую дынаміку. Пры гэтым размова ідзе не толькі аб колькасным павелічэнні ўзаемных паставак. Паступова пашыраецца і сам пералік тавараў, што сведчыць аб з’яўленні новых магчымасцей для прадпрыемстваў дзвюх краін.
Асаблівае значэнне надаецца правядзенню першага Форуму рэгіёнаў Беларусі і Кыргызстана. Гэта важная падзея для развіцця беларуска-кыргызскіх адносін, якая дасць магчымасць вывесці міжрэгіянальнае супрацоўніцтва на больш сістэмны ўзровень. 
Фота Віталя Піваварчыка
