Інвестпраекты, гандаль: Беларусь і ААЭ абмеркавалі рэалізацыю дамоўленасцей на вышэйшым узроўні
Фота МЗС 6 чэрвеня, Мінск . Тэма рэалізацыі дамоўленасцей на вышэйшым узроўні была ў цэнтры ўвагі на сустрэчы 6 чэрвеня міністра замежных спраў Беларусі Максіма Рыжанкова з міністрам знешняга гандлю Аб’яднаных Арабскіх Эміратаў Тані бен Ахмедам аль-Зеюдзі. Аб гэтым са спасылкай на беларускае знешнепалітычнае ведамства.
Бакі разгледзелі актуальныя пытанні беларуска-эмірацкага гандлёва-эканамічнага парадку дня, асаблівую ўвагу ўдзяліўшы дамоўленасцям, дасягнутым у ходзе кантактаў на вышэйшым узроўні.
Субяседнікі адзначылі ўзаемную зацікаўленасць у павелічэнні тавараабароту, актывізацыі інвестыцыйнага супрацоўніцтва, а таксама развіцці ўзаемадзеяння ў сферах міжнароднага гандлю, лагістыкі, высокіх тэхналогій і забеспячэння харчовай бяспекі.
Бакі таксама абмеркавалі ход рэалізацыі канкрэтных інвестыцыйных праектаў, віталі павелічэнне інвестыцыйнай актыўнасці ААЭ ў Беларусі, што сведчыць аб прывабнасці нашай краіны для замежных інвестараў.
