Турчын аб цэнавым рэгуляванні: неабходна сувымяраць жаданне атрымаць прыбытак і разумныя падыходы
Фота з архіва 26 жніўня, Мінск . У пытаннях цэнавага рэгулявання дзяржава спадзяецца ў тым ліку на адказнасць бізнесу, які не павінен дапускаць рэзкіх скачкоў цэн на тыя ці іншыя тавары. Аб гэтым заявіў прэм’ер-міністр Аляксандр Турчын у час размовы з прадстаўнікамі дзелавой супольнасці ў Палацы Незалежнасці,
Адна з тэм, на якой акцэнтаваў увагу прадпрымальнікаў прэм’ер-міністр, — рэгуляванне цэн. У Беларусі ёсць пералік тавараў, якія падлягаюць рэгуляванню, і з часам ён карэкціруецца. Напрыклад, асобныя пазіцыі выключаюцца з гэтага спіса. Разам з тым, адзначыў Аляксандр Турчын, урад вядзе маніторынг цэн і адзначае ўсе змяненні. У выпадку рэзкіх скачкоў цэн па тых ці іншых пазіцыях тавары могуць быць зноў дабаўлены ў пералік. Тут кіраўнік урада звярнуў увагу на неабходнасць адказнага падыходу з боку прадпрымальнікаў.

«Мы спадзяёмся на адказнасць бізнесу. Давайце дзейнічаць справядліва. Трэба сувымяраць жаданне атрымаць прыбытак і разумныя падыходы да цэн. Нам вельмі не хацелася б нейкія пазіцыі вяртаць назад (размова аб уключэнні ў пералік. — Заўвага )», — сказаў кіраўнік урада.
Фота Яна Гарбанюка



