Тры самалёты з жыхарамі Алешак прыбылі ў Беларусь
31 кастрычніка, Гомельскі раён . У аэрапорце Гомеля прызямліліся тры самалёты, на борце якіх — эвакуіраваныя жыхары горада Алешкі на Херсонскім напрамку,
Шлях быў працяглым — жыхары Алешак ехалі ў Анапу на аўтобусах, пасля чаго правялі ў паветры некалькі гадзін, дабіраючыся да Гомеля. Для іх сустрэчы задзейнічалі ўвесь комплекс аэрапорта, разгарнуўшы паўнацэнны палатачны гарадок.
Спецыялісты МНС, медыкі і валанцёры «Чырвонага крыжа» неадкладна пачалі аказанне дапамогі эвакуіраваным жыхарам, якія прыбылі фактычна з зоны баявых дзеянняў. Самым маленькім пасажырам прапануюць правесці час у гульнявых зонах — напрыклад, паглядзець мультфільмы.
У аэрапорце Гомеля жыхары Алешак будуць чакаць выезду ў «Новую Гуту» — менавіта праз гэты пункт пропуску ім трэба перамясціцца на тэрыторыю Украіны.
Як паведамлялася раней, Беларусь далучылася да гуманітарнай аперацыі ў Алешках. Мінск — актыўны ўдзельнік гэтага міжнароднага працэсу. Менавіта тэрыторыя Беларусі 29 кастрычніка стала зыходным пунктам у вялікім маршруце гуманітарнай аперацыі.
Беларускі бок стварыў усе неабходныя ўмовы для правядзення першых вочных кантактаў прадстаўнікоў Масквы і Кіева, аказаўшы неабходнае ўсебаковае садзейнічанне і выступіўшы гарантам бяспекі. Гуманітарная аперацыя ажыццяўляецца ў тым ліку дзякуючы выбудаваным даверным адносінам паміж Беларуссю і Украінай. У сувязі з гэтым удалося забяспечыць бяспеку праводзімых мерапрыемстваў і чарговы раз выратаваць жыцці людзей.
