Снапкоў: стварэнне поўнасцю айчыннага прадукту — гэта пытанне тэхналагічнага суверэнітэту
26 чэрвеня, Мінск . Стварэнне поўнасцю айчыннага прадукту — гэта пытанне тэхналагічнага суверэнітэту і доўгатэрміновай канкурэнтаздольнасці, адзначыў першы намеснік прэм’ер-міністра Беларусі Мікалай Снапкоў у час пленарнага пасяджэння XIII Форуму рэгіёнаў Беларусі і Расіі,
«Задача па паглыбленні лакалізацыі з’яўляецца агульнай для нашых краін. Беларускі бок паслядоўна рухаецца да максімізацыі лакалізацыі вытворчасцей без урону якасці», — сказаў Мікалай Снапкоў.
Паводле яго слоў, стварэнне поўнасцю айчыннага прадукту — гэта пытанне тэхналагічнага суверэнітэту і доўгатэрміновай канкурэнтаздольнасці. «Але на мой погляд, на парадку дня востра стаіць пытанне, на якое нам трэба адказаць без адсылак, дакладна і шырока: тэхналагічны суверэнітэт Саюзнай дзяржавы або тэхналагічны суверэнітэт Беларусі і Расіі асобна?» — абазначыў ён тэму.
Першы намеснік прэм’ер-міністра Беларусі звярнуў увагу, што сёння беларускім прадпрыемствам часта прасцей адкрыць вытворчасць непасрэдна ў Расіі, чым пастаўляць тавары з Беларусі. «Па-першае, гэта звязана з тым, што патрабаванні па лакалізацыі ў дзяржаўных закупках узмацняюцца ў Расійскай Федэрацыі. Па-другое, беларускія вытворцы вымушаны канкурыраваць з расійскімі калегамі без роўнага доступу да інструментаў падтрымкі. На самай справе гэта для нас сёння сістэмны выклік, які патрабуе сістэмнага адказу», — сказаў ён.
Мікалай Снапкоў дадаў, што Беларусь і Расія выбудоўваюць доўгатэрміновую вытворчую кааперацыю з фарміраваннем устойлівых тэхналагічных ланцужкоў.
Фота Андрэя Сіняўскага, Віталя Піваварчыка
