Сі Цзіньпін заклікаў пашырыць супрацоўніцтва паміж ЗША і Кітаем
Фота Сіньхуа 24 верасня, Вашынгтон /БЕЛТА — СІНЬХУА/. Старшыня КНР Сі Цзіньпін на цырымоніі прывітання ў Белым доме заклікаў пашырыць супрацоўніцтва паміж ЗША і Кітаем.
Ён адзначыў, што яго візіт у Злучаныя Штаты па запрашэнні амерыканскага лідара Дональда Трампа павінен умацаваць дружбу дзвюх краін і пашырыць супрацоўніцтва.
«Мы павінны шчыра супрацоўнічаць. Інтарэсы Кітая і ЗША цесна пераплецены, і прастора для супрацоўніцтва вялікая. Хоць кітайска-амерыканскае супрацоўніцтва не можа вырашыць усе сусветныя праблемы, многія глабальныя пытанні цяжка вырашыць без яго», — падкрэсліў Сі Цзіньпін.
Ён лічыць, што ЗША і Кітай павінны ўмацоўваць камунікацыю, паколькі дыялог дапаможа ўзаемаразуменню, пошуку агульных падыходаў і росту ўзаемнага даверу.
«Мы з прэзідэнтам Трампам паважаем адзін аднаго, устанавілі добрыя адносіны і падтрымліваем рэгулярную сувязь. Мы заклікаем нашы адпаведныя міністэрствы замежных спраў, гандлю, фінансаў, праваахоўных органаў і культуры ўмацоўваць камунікацыю, — сказаў лідар КНР. — Мы павінны мірна суіснаваць. Я шматразоў гаварыў, што супрацоўніцтва паміж Кітаем і Злучанымі Штатамі, дзюма буйнейшымі дзяржавамі, выгадна абодвум бакам, у той час як канфрантацыя шкодзіць абодвум. Кітаю і Злучаным Штатам не варта пазбягаць канкурэнцыі, але гэта канкурэнцыя павінна быць добразычлівай і мець межы». Сі Цзіньпін перакананы, што абодва бакі павінны прытрымлівацца прынцыпу неканфліктнасці і адсутнасці канфрантацыі.
Паводле яго слоў, Пекін будзе вітаць амерыканскія кампаніі, жадаючыя інвесціраваць і весці бізнес у Кітаі. Ён разлічвае, што і ЗША будуць справядліва адносіцца да кітайскіх кампаній.
Акрамя таго, лідар КНР адзначыў, што ўзброеныя сілы абедзвюх краін павінны падтрымліваць рэгулярны дыялог і ўдасканальваць механізмы крызіснай камунікацыі і прадухілення канфліктаў, і выказаў гатоўнасць Кітая ўмацоўваць супрацоўніцтва з ЗША ў кантролі над наркотыкамі і ў іншай праваахоўнай дзейнасці.
Закрануў Сі Цзіньпін і пытанне штучнага інтэлекту, указаўшы, што Кітай і ЗША з’яўляюцца вядучымі дзяржавамі ў гэтай галіне і валодаюць магчымасцямі для эфектыўнага развіцця і кіравання ШІ, забяспечваючы, каб ён заставаўся пад кантролем чалавека і прыносіў карысць людзям.
Сі Цзіньпін таксама паведаміў, што ў знак дружбы Кітай адправіць у ЗША дзве панды, якія прыбудуць у заапарк Атланты праз некалькі дзён.-0-
