Пракуратура пасля смерці злачынца ў Кракаве прадыўжыць расследаванне нападзення
Фота Reuters 9 лістапада, Мінск /Кар. БЕЛТА/. Смерць мужчыны, які ўчыніў стральбу на галоўнай плошчы ў Кракаве, не ўплывае на запланаваныя дзеянні пракуратуры. Аб гэтым заявіў пракурор Нацыянальнай пракуратуры Польшчы Эрык Стаселак, пішуць польскія СМІ.
Смерць мужчыны азначае адмову ад працэсуальных дзеянняў, непасрэдна накіраваных супраць яго, у тым ліку прад’яўлення яму абвінавачанняў і прымянення магчымых мер стрымання. Але пракуратура дапытае ўсіх устаноўленых сведкаў, а следчыя прадоўжаць збіраць і аналізаваць інфармацыю, у тым ліку тую, якая датычыцца матываў злачынца і магчымыя сувязі з ім.
Сёння павінны пачацца ўскрыцці цел шасці ахвяр нападзення і трох забітых сваякоў. Як паведаміў пракурор, даследаванні могуць прадоўжыцца два дні з-за складанага характару агнястрэльных раненняў. Смерць падазронага не мяняе планаў адносна правядзення ўскрыццяў. «У астатнім расследаванне будзе прадаўжацца, паколькі мы знаходзімся на раннім этапе. Цяпер расследаванне доўжыцца менш як 24 гадзіны, а для аналізу ёсць вельмі вялікі аб’ём доказаў», — падкрэсліў Стаселак.
24-гадовы грамадзянін Польшчы 7 лістапада ў камуфляжы выехаў на аўтамабілі на галоўную плошчу ў цэнтры Кракава і адкрыў агонь па выпадковых прахожых. У выніку загінулі шэсць чалавек, яшчэ 15 былі паранены. Пры гэтым 12 пацярпелых знаходзяцца ў цяжкім стане, сярод іх двое паліцэйскіх. Паводле звестак мясцовых улад, сярод загінулых як мінімум двое іншаземцаў — 51-гадовая грамадзянка Аўстрыі і 32-гадовы грамадзянін Вялікабрытаніі.
Злачынец атрымаў агнястрэльныя раненні пры затрыманні, быў шпіталізаваны. Пазней паліцыя ў яго кватэры знайшла целы 53-гадовага бацькі, 52-гадовай маці і 21-гадовай сястры, а таксама сем адзінак агнястрэльнай зброі. Пракуратура Польшчы ўзбудзіла крымінальную справу па артыкуле «Тэрарызм» КК. Раніцай 9 лістапада абвінавачаны памёр у бальніцы.-0-
