У Францыі ў час маштабных пратэстаў затрыманы больш за 1,3 тыс. чалавек
Фота Reuters 25 кастрычніка, Мінск /Кар. БЕЛТА/. Колькасць затрыманых у час маштабных пратэстаў у Францыі перавысіла 1,3 тыс. Аб гэтым паведамляе РІА Навіны са спасылкай на газету Figaro, якая прыводзіць даныя МУС Францыі.
Раней кіраўнік МУС Ларан Нуньес заяўляў, што ў час масавых маніфестацый супраць росту кошту жыцця, якія прайшлі ў суботу па ўсёй краіне, былі затрыманы каля тысячы чалавек. «Па ўсёй Францыі адбылося 1314 затрыманняў», — гаворыцца ў паведамленні. 
Пратэсты пачаліся ў Францыі ў сярэдзіне верасня, калі на вуліцы ў прыгарадах Парыжа выйшлі старшакласнікі, якія патрабавалі паляпшэння стану школ. Пазней да іх далучыліся незадаволеныя павышэннем цэн у краіне, а акцыі распаўсюдзіліся на іншыя рэгіёны. 
Самай масавай стала агульнанацыянальная дэманстрацыя 17 кастрычніка. Паводле даных МУС, у ёй удзельнічалі амаль 550 тыс. чалавек. Французскія праваахоўнікі прымянялі супраць удзельнікаў пратэстаў слёзатачывы газ, шумавыя гранаты і вадамёты.-0- 
