Прадстаўнікоў палітычных партый з 16 краін аб’яднае канферэнцыя ў Брэсце
28 мая, Брэст . Брэст 28-29 мая прыме II Міжнародную міжпартыйную канферэнцыю «Дзяржаўны суверэнітэт і прынцыпы міжнародных адносін ва ўмовах шматпалярнасці і разнастайнасці ў XXI стагоддзі». Аб гэтым паведамілі ў Беларускай партыі «Белая Русь».
Мерапрыемства аб’яднае прадстаўнікоў 16 краін: Азербайджана, Венесуэлы, Германіі, Зімбабвэ, Казахстана, Карэйскай Народна-Дэмакратычнай Рэспублікі, Кубы, Лаоса, Малдовы, М’янмы, Расіі, Таджыкістана, Узбекістана і Беларусі. Іх калегі з Сербіі і Славакіі далучацца да дыскусіі ў рэжыме анлайн.
На канферэнцыі абмяркуюць актуальныя тэмы. Удзельнікі падзеляцца экспертнымі меркаваннямі, у прыватнасці, у пытаннях умацавання суверэнітэту, рэгіянальнага партнёрства, развіцця міжнародных адносін, ролі палітычных партый і грамадскіх рухаў у фармаванні інтэрнацыянальных кааліцый для абароны агульных інтарэсаў.
Праграма канферэнцыі прадугледжвае таксама падпісанне міжнародных дагавораў. Замежныя госці наведаюць «вёскі будучыні» ў Брэсцкім і Камянецкім раёнах. Яны пабываюць на прадпрыемствах, у мемарыяльным комплексе «Брэсцкая крэпасць-герой», у нацыянальным парку «Белавежская пушча».
