Плыўчыха Шылко заваявала серабро кантынентальнага форуму-U18
Валерыя Шылко. Фота Беларускай федэрацыі плавання 9 ліпеня, Мінск . Беларуска Валерыя Шылко заняла другое месца на першынстве Еўропы па плаванні сярод юніёраў да 18 гадоў,
Спаборніцтвы прымае нямецкі Мюнхен. У фінальным заплыве на дыстанцыі 50 м брасам Шылко спыніла секундамер на адзнацы 31,38 сек. і стала сярэбраным прызёрам. Перамогу з часам 30,88 сек. атрымала расіянка Соф’я Ануфрыева. Яшчэ адна беларуска Аліса Белая замкнула топ-5.
Раней на юніёрскім чэмпіянаце Еўропы другое месца на 50-метроўцы на спіне заняў наш Арцём Ярмак.
