Пастаўкі тэхнікі і прадуктаў харчавання. Супрацоўніцтва з Омскай вобласцю разгледзелі ва ўрадзе
Віталь Хацэнка і Аляксандр Турчын 25 чэрвеня, Мінск . Прэм’ер-міністр Беларусі Аляксандр Турчын правёў сустрэчу з губернатарам Омскай вобласці РФ Віталем Хацэнкам, паведамілі ў прэс-службе ўрада.
Разгледжаны ключавыя аспекты двухбаковага супрацоўніцтва. Бакі абмеркавалі дынаміку ўзаемнага тавараабароту, намецілі перспектывы далейшага ўзаемадзеяння, у тым ліку па пастаўках беларускай машынабудаўнічай прадукцыі, уключаючы пасажырскую, камунальную, сельскагаспадарчую, а таксама спецыяльную тэхніку і ліфтавае абсталяванне.
Адзін з напрамкаў — пашырэнне ўзаемадзеяння ў аграпрамысловай сферы і нарошчванне ўзаемных паставак харчовых тавараў, сельскагаспадарчай сыравіны. Таксама разгледжана ўмацаванне супрацоўніцтва ў гуманітарнай сферы.
