Пасяджэнне Эканамсавета СНД пройдзе ў Маскве 26 чэрвеня
Фота з архіва 19 чэрвеня, Масква /Эдуард Півавар . Пасяджэнне Эканамічнага савета СНД з удзелам віцэ-прэм’ераў краін Садружнасці пройдзе 26 чэрвеня ў Маскве. Аб гэтым паведамілі ў прэс-службе Выканкама СНД.
Мерапрыемства пройдзе пад старшынствам намесніка старшыні Кабінета міністраў Туркменістана Хаджамурада Гельдымурадава. «Кіраўнікі дэлегацый краін Садружнасці абмяркуюць пытанні, якія ахопліваюць розныя сферы эканамічнага супрацоўніцтва дзяржаў — удзельніц СНД», — адзначылі ў прэс-службе.
У вузкім фармаце члены Эканамсавета СНД абмяняюцца думкамі па актуальных пытаннях эканамічнага супрацоўніцтва ў Садружнасці, а таксама абмяркуюць правядзенне перапісаў насельніцтва раўнда 2030 года ў дзяржавах — удзельніцах СНД.
У праект парадку дня пасяджэння ў шырокім складзе ўнесена амаль паўтара дзясятка пытанняў. У іх ліку — аб асноўных мэтавых макраэканамічных паказчыках развіцця эканомікі дзяржаў — удзельніц СНД за 2025 год, аб выкананні плана мерапрыемстваў па рэалізацыі першага этапу стратэгіі эканамічнага развіцця СНД на перыяд да 2030 года, аб унясенні змяненняў у пратакол аб абмене інфармацыяй у электронным выглядзе для ажыццяўлення падатковага адміністравання. Будуць таксама разгледжаны розныя аспекты супрацоўніцтва ў сферах лічбавізацыі, працоўных адносін, ветэрынарыі і каранцінных мер, лясной гаспадаркі і іншых.
