«Нічога складанага няма, мы ўсё гэта праходзілі ў школе». ЦЭ і ЦТ па дзяржмовах праходзяць у Беларусі
29 мая, Мінск . У пунктах правядзення цэнтралізаванага экзамену і цэнтралізаванага тэсціравання пачаліся іспыты па дзяржаўных мовах,
Выпускніца педкласа сярэдняй школы нумар 189 імя А.К.Гараўца Мінска Вера Белавусава здае рускую мову на базе Беларускага дзяржаўнага тэхналагічнага ўніверсітэта. «Зусім не хвалююся. Перад першым ЦЭ, калі здавала англійскую мову, я перажывала. Але я зразумела, што нічога складанага і страшнага няма. Заданні ўсе знаёмыя, мы праходзілі гэта ў школе. Калі ты сядзеў на ўроку, слухаў настаўніка і выконваў дамашняе заданне, праблем не будзе. Таму іду на экзамен спакойна», — падзялілася дзяўчына.
У БДТУ цэнтралізаваны экзамен па рускай і беларускай мовах здаюць амаль 1,5 тыс. чалавек, цэнтралізаванае тэсціраванне па дзяржмовах — больш за 600.
«Усяго задзейнічана 57 аўдыторый. Створаны ўсе неабходныя ўмовы для тых, хто здае: рассадка ў адпаведнасці з патрабаваннямі, пітны рэжым, дзяжураць медыкі. Каля 85 працэнтаў удзельнікаў іспытаў здаюць у нас рускую мову», — праінфармаваў першы прарэктар БДТУ Андрэй Саковіч. 
