«Нашы прадпрыемствы і рэгіёны працуюць эфектыўна». Качанава аб рэзультатыўнасці Форумаў рэгіёнаў Беларусі і Расіі
26 чэрвеня, Мінск . Сучасная эканоміка дае магчымасць захоўваць суверэнітэт і незалежнасць. Гэта адзначыла старшыня Савета Рэспублікі Наталля Качанава на сустрэчы з кіраўнікамі мясцовых органаў улады Рэспублікі Беларусь і органаў дзяржаўнай улады суб’ектаў Расійскай Федэрацыі,
Паводле слоў спікера, гэта пляцоўка стала ўнікальнай. «Мы сустракаемся з сябрамі і калегамі. Выстаўка, якую мы цяпер наведалі, — пацвярджэнне таго, што нашы прадпрыемствы, нашы рэгіёны працуюць эфектыўна. І мы ўжо сёння рэальна адчуваем вынікі нашай работы», — сказала Наталля Качанава, маючы на ўвазе рэзультатыўнасць праведзеных за ўсе гады форумаў.
Паводле яе слоў, ініцыятывы і праекты, якія вылучаюць кіраўнікі рэгіёнаў, арыентаваны на паляпшэнне якасці жыцця грамадзян. «Сустрэча з прадстаўнікамі рэгіёнаў — магчымасць падзяліцца лепшымі практыкамі ў рабоце, абмяняцца думкамі, абмеркаваць пытанні, якія яшчэ, магчыма, узнікаюць пры нашым узаемадзеянні», — сказала старшыня Савета Рэспублікі.
Наталля Качанава звярнула ўвагу, што геаграфія форуму з году ў год пашыраецца. За апошнія гады ён праведзены ў Гродне і Віцебску, Уфе і Ніжнім Ноўгарадзе. У гэтым годзе мерапрыемства прымае Мінск і Мінская вобласць.
Цытуючы словы Прэзідэнта Беларусі Аляксандра Лукашэнкі, спікер адзначыла, што рэгіянальнае супрацоўніцтва, напэўна, галоўнае звяно ва ўзаемаадносінах.
