На станцыі метро «Кастрычніцкая» 14 верасня пачнуць паэтапны капрамонт эскалатараў
Фота з архіва 14 верасня, Мінск . У Мінску на станцыі метро «Кастрычніцкая» 14 верасня пачнецца паэтапны капітальны рамонт эскалатараў №№ 1, 2, 3, размешчаных з боку вестыбюля №2. Аб гэтым БЕЛТА паведамілі ў Мінскім метрапалітэне.
На месцы работ будуць устаноўлены агароджы, ахоўныя і засцерагальныя ўстройствы ў адпаведнасці з праектам вытворчасці работ і іншымі нарматыўнымі дакументамі.
У метрапалітэне дадалі, што капітальны рамонт не створыць нязручнасцей пасажырам. У штатным рэжыме будуць працаваць два эскалатары: на спуск і на пад’ём.
