Міжрэгіянальныя сувязі, кааперацыя і культура. Снапкоў на форуме ў Ганьсу аб прыярытэтах партнёрства з КНР
Мікалай Снапкоў. Скрыншот відэа ўрада Беларусі 1 ліпеня, Мінск . Міжрэгіянальнае супрацоўніцтва — фундамент сумеснага развіцця. Аб гэтым заявіў першы намеснік прэм’ер-міністра Мікалай Снапкоў, выступаючы 1 ліпеня ў горадзе Ланьчжоу правінцыі Ганьсу на цырымоніі адкрыцця першага Беларуска-кітайскага форуму рэгіёнаў,
Мікалай Снапкоў назваў шэраг прыярытэтных напрамкаў. «Беларусь — гэта паўнацэнная прамысловая і рэсурсная платформа для глыбокай перапрацоўкі і стварэння высокатэхналагічнага прадукту. Мы разглядаем супрацоўніцтва з рэгіёнамі Кітайскай Народнай Рэспублікі не проста як братэрскія сувязі, а як стратэгічны саюз у рамках ініцыятывы «Адзін пояс, адзін шлях». З часоў СССР Беларусь застаецца індустрыяльным сэрцам у цэнтры Еўропы, на стыку ЕАЭС і ЕС», — падкрэсліў першы намеснік прэм’ер-міністра.
Ён звярнуў увагу: «Наша задача — не проста транзіт, а стварэнне агульных ланцужкоў дабаўленай вартасці, якія злучаюць кітайскія прамысловыя кластары з еўрапейскім і еўразійскім рынкамі».
У ліку прыярытэтаў ён назваў кааперацыю кампетэнцый і ўнікальныя перавагі Беларусі. «У Кітая вельмі моцныя навуковая, тэхналагічная і сыравінная базы, у Беларусі — перадавое машынабудаванне, сельгастэхналогіі, IT-сектар і багаты вопыт індустрыяльнай кааперацыі, — адзначыў Мікалай Снапкоў. — Нам не трэба канкурыраваць, нам трэба «сшываць» нашы моцныя бакі. Гэтыя падыходы закладзены ў аснову гадоў прамысловай кааперацыі паміж Беларуссю і Кітаем на 2026-2027 гады, аб’яўленых у ходзе сустрэчы Прэзідэнта Беларусі Аляксандра Лукашэнкі і Старшыні КНР Сі Цзіньпіна. Але ключавое пытанне: чаму трэба рабіць «сшыўку» менавіта з Беларуссю?
Першы намеснік прэм’ер-міністра растлумачыў: таму што мы прапануем не проста пляцоўку, а канкрэтныя, вымерныя канкурэнтныя перавагі для кітайскага бізнесу. Гэта доступ да вялізнага рынку ЕАЭС. Беларусь — гэта «ўваходныя вароты» ў Еўразійскі эканамічны саюз з насельніцтвам больш як 180 млн чалавек. Выраблены тут тавар атрымлівае бяспошлінны доступ на рынкі Расіі, Казахстана, Арменіі і Кыргызстана. Радыус 2000 км ад Мінска ахоплівае больш за чвэрць сусветнага ВУП.
У ліку пераваг супрацоўніцтва з Беларуссю таксама прававая абарона і рэжым найбольшага спрыяння. «З 1 студзеня 2026 года ўступіла ў сілу пагадненне паміж Беларуссю і Кітаем аб гандлі паслугамі і інвестыцыях. Гэта першы такі дагавор Кітая з краінай — членам ЕАЭС. Ён дае кітайскім інвестарам прамыя гарантыі абароны капіталу, рэжым найбольшага спрыяння і доступ практычна ва ўсе сектары эканомікі», — адзначыў Мікалай Снапкоў.
Ён звярнуў увагу на флагманскі праект — індустрыяльны парк «Вялікі камень». Як даручылі лідары дзвюх краін, тут створаны найлепшыя ўмовы. На сённяшні дзень у парку больш за 160 прадпрыемстваў-рэзідэнтаў з праектамі ў перадавых галінах прамысловасці, біятэхналогій, медыцыны з агульным аб’ёмам заяўленых інвестыцый каля $1,6 млрд. У Беларусі з насельніцтвам 9 млн чалавек працуе амаль 50 універсітэтаў. Беларусы — гэта высокаадукаваныя, дысцыплінаваныя, кваліфікаваныя спецыялісты, вядомыя сваёй працавітасцю і дружалюбнасцю, падкрэсліў Мікалай Снапкоў.
«І галоўнае — інвесціраваць трэба ў стабільнасць, стабільнасць — гэта стратэгічна правільны крок, і беларускі ўрад прадоўжыць паслядоўна паляпшаць бізнес-асяроддзе для кітайскіх партнёраў», — рэзюмаваў ён.
